Сэтинньи 23 күнүгэр Дьокуускай куоракка Арчы дьиэтигэр Күөх Ньурбаттан төрүттээх күндү-мааны дьоннорбут төрүттээх түһүлгэлэрэ үрдүк таһымнаахтык, өрө көтөҕүллүүлээхтик буолла. Ол курдук, оһуохай түһүлгэтэ «Күн дьоно» фольклор бөлөҕүн тойуксуттара: Саха Өрөспүүбүлүкэтин култууратын туйгуннара, Ньурба Саалтаанытыттан төрүттээх Евдокия Кондратьева уонна Сунтаар тойуктаах туонатыттан төрүттээх Антонина Алексеева алгыстаах тойуктарынан арылынна.
Оһуохайбыт түһүлгэтин СӨ Дархан оһуохайдьыта Руф Елисеевич Гаврильев төрүттээтэ. Дьэ, ол кэнниттэн СӨ үтүөлээх этээччилэрэ Мария Бассанова, Валентина Сухаринова, Аграфена Герасимова, эдэр кэскиллээх оһуохайдьыппыт, үтүөлээх этээччи Эрик Егоров, СӨ Дархан оһуохайдьыттара Прокопий Федоров, ыалдьыт буолан ынырыллан кэлбит Бүлүүттэн төрүттээх Егор Егорович Егоров-Үс Дьөгүөр, Үөһээ Бүлүүттэн Сахайта Мойтохонова оһуохайы биир-биир оройуттан туттулар, эһиэкэйи энээриттэн ыллылар. Ол быыһыгар Ньурба дорҕоонноох тойуксута, кылыһахтаах ырыаһыта Анна Матвеева эҕэрдэ тойуга эйээрдэ. Ырыаһыттар Зинаида Григорьева, Кэкэрдэ Зоя, Ким Кузьмин, Федор Унаров, Мария Захарова, Алгыстаана Токусарова кэрэ ырыаларын бэлэхтээтилэр. Мария Бассанова салайар «Өбүгэ алааһа» үҥкүү бөлөҕө нарын- намчы үҥкүүлэрин бэлэх уунна.
Ити курдук, Күөх Ньурбам оһуордаах оһуохайа, энээркэй эһиэкэйэ эйээрэ дьиэрэйдэ. Манна кэлбит биир дойдулаахтарбыт бэйэ-бэйэлэрин көрсүһэн, кэпсэтэн өйдүү-саныы сылдьар курдук астынан, үөрэн-көтөн тарҕастылар.
“Оһуохай” уопсастыба салайааччытыгар Данилов Александр Джуровичка бу күнү бэлэхтээбитигэр махтал маанытын тириэрдэбит. Махтал үтүөтүн аныыбыт: бу тэрээһини ыытыспыт Ирина Васильевна Абрамоваҕа, тиэхиньиичэскэй үлэһиккэ уонна бу дьоро киэһэни видеоҕа уонна хаартыскаҕа үйэтитээччи Кынат Алаас Уолугар.
Евдокия КОНДРАТЬЕВА-КЫЛЫҺАХ ДАЛБАР
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…