Көрдөөх оонньууну көҕүлүттэн туттулар
03.03.2025, 13:15
Хаартыска: СИА.
Бөлөххө киир:
Дьокуускайга кулун тутар 2 күнүгэр Масленица нэдиэлэтин түмүктээтилэр. Тэрээһин А.Е.Кулаковскай — Өксөкүлээх Өлөксөй аатынан норуоттар доҕордоһууларын дьиэтигэр буолла.
Масленица бырааһынньыгар, буоларын курдук, нуучча норуодунай ырыаларын ыллаан, частушкалаан, хоробуоттаан, көрдөөх оонньуулары оонньоон, сылабаар итии чэйин кытта араас начыыннаах билиинчиктэри, барааҥкалары амсайан, бырааһынньык олус бэркэ ааста.
Манна «Русь», «Раздолье», «Вольница», о.д.а. норуодунай ансаамбыллар ыллаан «былааһы ыллылар». Кэлбит дьон көрөөччү оруолун эрэ толорбокко, оонньууларга көхтөөхтүк кытыннылар, ордук барааҥкалары ааҕыы куонкуруһа көрдөөх, күлүүлээх буолла.
Хаартыска: СИА.
Таһырдьа тымныы, тыаллаах буолан, трээһин дьиэ иһигэр ыытылынна. Онтон Кыһын чуучалатын уматыы сиэрэ-туома таһырдьа буолла. Бу уоту кытта кыһыҥҥы саппаҕырбыт санаалар, ыарыылар, кыһалҕалар күдэҥҥэ көттүлэр, сааскы саҥа саҕалааһыннарга суол арылынна.
Быйыл Хотугулуу-Илиҥҥи федеральнай университеттан омук устудьуоннара кэлэн кытыннылар. Ордук 1-кы куурус устудьуоннара, Арассыыйаҕа саҥа кэлбит буоланнар, норуот үгэстэрин сэргээн көрдүлэр-иһиттилэр, иҥэриннилэр. Онон Масленица бырааһынньыгар Кытай, Африка устудьуоннара эмиэ кыттыыны ылбыттара кэрэхсэннэ.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: