Дьокуускайга кырбаммыт дьахтар өлбүтүнэн силиэстийэ түмүктэннэ

Бу дьыл кулун тутар 13 күнүгэр Дьокуускай куоракка 38 саастаах дьахтар өлүүлээх иэдээн тахсыбыта.

Дьахтары өлөрүүгэ бииргэ олорор киһитэ уорбаламмыта. Кулаковскай аатынан уулуссаҕа баар дьиэ тиэхиньиичэскэй этээһигэр дьахтардаах эр киһи ардыгар кыыһырсыы тахсыбыт. Эр киһи дьахтары төбөҕө хаста да охсон эчэппит. Салгыы бу дьон 202 түөлбэҕэ баар дьиэ кыбартыыратыгар арыгылаабыттар. Буруйданааччы итирэн баран эрдэтээҥҥи кыыһырсыытын салҕаан, дьахтары салгыы кырбаабыт.

Ылбыт эчэйиилэриттэн дьахтар суорума суолламмыта.  Сотору кэминэн эр киһини туппуттара. Кулун тутар ыйга  Таатта улууһуттан төрүттээх буруйданааччы эр киһиэхэ холуобунай дьыала тэриллибитэ.

Бүгүн, бэс ыйын 9 күнүгэр, СӨ Силиэстийэлиир кэмитиэт Дьокуускай куораттааҕы салаата холуобунай дьыаланы силиэстийэлээн бүтэрбитин туһунан Саха сиринээҕи Силиэстийэлиир управлениетын пресс-сулууспата иһитиннэрдэ.  Онон дьыала суукка ыытыллыбыт.