Хаартыска sakha.gov.ru ылылынна
Дьокуускайга Ленин болуоссатын тупсаран оҥоруу үлэтэ өрө көтөҕүллүүлээхтик ыытыллар.
Маныаха куорат биир саамай кэрэ-бэлиэ миэстэтэ буолан, дьон-сэргэ уратыны көрө охсоору долгуйа кэтэһэр. Бу сөргүтүү РФ Бэрэсидьиэнэ В.Путин биһирээбит маастар-былаанынан оҥоһуллар.
—-Үлэ кыраапыгынан баран иһэр. Харысхал ойуулаах билиитэлэр тэлгэтиллэн бүтэн эрэллэр. Сэргэлэри туруоруу үлэтэ ыытыллар. Ону сэргэ, уот-күөс тирэхтэрин таҥаллар, — диэн этэр СӨ Ил Дарханын архитектураҕа уонна куораты тутууга управлениетын салайар Любовь Папок.
«Сэттэ» ГК прораба Семен Хон фонтан, тротуар оҥоһулларын этэр.
Санатар буоллахха, бэс ыйын саҥатыгар Дьокуускайга Кытайтан кэлбит биригээдэ фонтан үлэлиирин көрөн-истэн баран биирдэ барыахтаах.
Дизайн-бырайыагы «Якутпроект» оҥорбут. Болуоссакка үүнээйи олордуллуохтаах, фонтаннаныахтаах уонна 13 м. сэргэлэр туруоруллуохтаахтар. Көрдөххө болуоссат үс чааска араарыллар: ДП-2 иннинээҕи зона, ускуустуба оскуолата уонна сынньанар сүрүн сир.
Санатан эттэххэ, 2021 с. Илиҥҥи экэнэмиичэскэй пуорумҥа РФ Бэрэсидьиэнэ В.Путин Уһук Илин эрэгийиэннэригэр олох хаачыстыбатын үрдэтиигэ туһуламмыт улахан, кэлим бырагырааманы олоххо киллэрии туһунан быһаарыы ылыммыта. 25 куоракка маастар-былааннар оҥоһуллубуттара, ол чэрчитинэн 2030 сылга диэри сайдыы стратегията быһаарыллыбыта.
Быйыл бэс ыйыгар РФ Бэрэсидьиэнэ В.Путин Дьокуускайга кэлэ сылдьыыта куорат маастар-былаанын олоххо киллэрэргэ күүһү, эрчими, тирэҕи биэрдэ.
Саха сирин куораттарын сайыннарыы былааныгар 133 эбийиэк киирбит – Дьокуускайга 90 эбийиэк уонна Нерюнгригэ 43 эбийиэк.
2024 сылга Дьокуускайга 23 маастар-былаан олоххо киллэриллэр, уопсай суумата 273,9 млрд солк.
Быйыл түөрт эбийиэги тутан бүтэрэр, тупсаҕай оҥорор былааннаахтар:
• симиэнэҕэ 350 миэстэлээх «Полярная звезда» оҕо сынньалаҥын тэрийэр уонна доруобуйаны чэбдигирдэр сылы эргиччи үлэлиир киин;
• Сайсары кытылын уонна Ийэ искибиэрин тупсаран оҥоруу;
• Дьокуускайга Ленин болуоссатын тупсаран оҥоруу;
• Р.М.Дмитриев аатынан биэрэк кытылын тупсарыы.
Бэлиэтээн эттэххэ, тупсарыы үлэтин сорҕото бэс ыйыгар «Азия оҕолоро» норуоттар икки ардыларынааҕы VIII спортивнай оонньуулары көрсө түмүктэммитэ.
СӨ Ил Дарханын уонна Бырабыыталыстыбатын пресс-сулууспата
Байыастар дьиэ кэргэттэрин өйүүр сыаллаах муҥха Нам улууһугар Хатырыкка тэрилиннэ. Манна СӨ Ил Дарханын уонна…
Сергей Зверев-Кыыл Уолун аатынан Үҥкүү национальнай тыйаатыра Саха сирин национальнай култууратын киэн туттуутунан, хотугу өрөспүүбүлүкэ…
1985 сыл. Дьокуускайбыт биир бэлиэ, сэргэх, соторутааҕыта тутуллубут дьиэтигэр — Бэчээт дьиэтигэр — “Эдэр коммунист” хаһыат саамай туллубат…
Маарыйа холкуос лааппытыгар атыылааччынан үлэлии сылдьара. Кэргэнэ айылҕаттан кыахтаах буолан, ыраах атынан таһаҕас тиэйиигэ бэдэрээттэһэ…
2024 сыл Саха сирин култууратын тэрилтэлэригэр Оҕо тыйаатырын ускуустубатын сылынан биллэриллибитэ. Биллэриллибит сыл чэрчитинэн, СӨ…
Сахаҕа сылгы сүдү суолталаах, ону кытта сылгы идэһэ биир мааны аһылыгынан биллэр. 1980–1990‑с сылларга тэҥнээтэххэ,…