Дьокуускайга Ленин пааматынньыгын постамеҥҥа төнүннэрдилэр
26.07.2024, 08:30
Хаартыска: СИА
Бөлөххө киир:
Дьокуускайга Ленина болуоссатыгар Владимир Ильич Ленин пааматынньыгын постамеҥҥа төнүннэрдилэр.
Бу иннинэ Ленин болуоссатыгар өрөмүөн ыытылларынан, пааматынньыга икки нэдиэлэ анараа өттүгэр постаментан уһулбуттара.
Саха сирин Куорат эбийиэктэрин тутууга судаарыстыбаннай сакаасчыт сулууспатын управлениетын салайааччыта Вячеслав Нестеров иһитиннэрбитинэн, от ыйын бүтүөр диэри трибунаны саҥардан, пааматынньыгы сууйуу үлэтин ыытарга былаанныыллар.
Санаттахха, Ленин пааматынньыгын хаҥас атаҕар былырыын сэтинньи 3 күнүгэр реставрация кэнниттэн «Бириэмэ капсулатын» укпуттара. Капсулаҕа монумены чөлүгэр түһэриигэ үлэлэспит дьон испииһэгэ суруллубута.
Пааматынньык 1967 с. алтынньы 25 күнүгэр аһыллыбыта.Монумент уопсай үрдүгэ — 14,6 миэтэрэ.
+1
4
+1
1
+1
+1
+1
+1
+1
Сообщить об опечатке
Текст, который будет отправлен нашим редакторам: