Дьокуускайга Ленин проспегар икки киһи өлүүлээх баһаар силиэстийэтэ түмүктэннэ

Силиэстийэлээччилэр баһаарга икки киһи суорума суолламыт уонна икки киһи эмсэҕэлээбит холуобунай дьыалатын силиэстийэлээһинин түмүктээтилэр.

Быһылаан 2023 сыл алтынньы 27 күнүгэр буолбута. Баһаар кэммиэрчэскэй тэрилтэ арендалаабыт хоһугар тахсыбыта. Урбаанньыт куттала суох буолуу быраабыланы кэспитэ биллэр. Баһаар кэмигэр баһаарынай сигнализация холбоммотох, иһитиннэрэр-биллэрэр тиһик үлэлээбэтэх, кирилиэстэргэ баһаарынай сигнализация суох эбит. Ити барыта дьону кэмигэр эвакуациялыырга мэһэйдэри үөскэппит.

Санатан эттэххэ, баһаар киин куорат Ленин проспегынан 3/1 №-дэээх дьиэ урбаанньыт арендалаабыт хоһугар тахсыбыта. Дьон уоттан быыһана cатаан парапетка тахсыбыттара. Ол саҕана баһаары умуруорууга 11 тихиньикэ, 50 баһаарынай тардыллыбыта.

Буруйдуур түмүктээх дьыала суут көрүүтүгэр бэрилиннэ, диэн Саха сиринээҕи силиэстийэлиир кэмитиэтин пресс-сулууспата суруйар.