Дьокуускайга Ленин проспегынан түүн матасыыкыл айанныыра хааччахтанар

Дьокуускайга от ыйын 15 күнүттэн Ленин аатынан проспегынан түүҥҥү кэмҥэ матасыыкыл сырыыта хааччахтаныаҕа.

Байкердар киэһэ 21:00 чаастан сарсыарда 8:00 чааска диэри киин куорат сүрүн уулуссатынан айанныыллара бобуллар. Бу туһунан Дьокуускай куорат уокуруктааҕы дьаһалтатыгар иһитиннэрдилэр.

Матасыыкыл сырыытын бобуу куорат олохтоохторуттан элбэх үҥсүү киирбитинэн сибээстээн, түүннэри-күнүстэри тимир көлөлөөхтөр улахан тыастаах сүүрдэллэриттэн сөптөөх быһаарыы ылылынна. Ленин аатынан проспегынан от ыйыттан матасыыкыл сырыытын үлэ күнүгэр киэһэ 21:00 чаастан сарсыарда 8:00 чааска хааччахтыыр суол бэлиэлэрэ оҥоһуллуохтара.

Куорат дьаһалтатыгар чуумпуну кэһиини утары Саха сирин административнай быраабын Кодексын ыстатыйаларынан учуоттанан саҥа хааччахтар олохтонолорун туһунан чуолкайдаатылар.