Дьокуускайга Лермонтов уулуссаҕа икки этээстээх дьиэҕэ уот турбут

Бэс ыйын 20 күнүгэр сарсыарда эрдэ Дьокуускай куорат Лермонтов аатынан уулуссаҕа икки этээстээх элбэх кыбартыыралаах мас дьиэҕэ баһаар тахсыбытын туһунан баһаарынай-быыһыыр сулууспаҕа иһитиннэрии киирбит.

Бу туһунан Саха сиринээҕи ЫБММ пресс-сулууспата иһитиннэрэр.

Баһаарынайдар уот турбут миэстэтигэр 4 мүнүүтэнэн тиийбиттэр. Кинилэр тиийэллэригэр дьиэ иккис подъеһа умайар эбит. Баһаарынайдар дьайыыларынан кылгас кэм иһигэр уот таһынааҕы тутууларга тарҕанарыттан быыһаатылар. Баһаар түмүгэр дьиэ иккис подъеһын 100 кв. м. иэнэ  умайбыт.  Өлбүт, эчэйбит киһи суох.  Дьэиттэн 7 киһи эвакуацияланна. Баһаар төрүөтэ, буруйдаах уонна хоромньу быһаарыллар. Уоту умуруорууга 54 киһи уонна 13 тиэхиньикэ тардылынна.