Дьокуускайга маҕаһыын атыыһыта 186 тыһ. 500 солк. иҥэриммит

Дьокуускай куорат маҕаһыынын бэрэстэбиитэлэ ИДьМ полиция 2-с №-дээх салаатыгар 186 тыһ. 500 солк. итэҕэстийбитин туһунан үҥсүү түһэрбит.

Суһал көрдөөһүн үлэ түмүгүнэн, холуобунай ирдэбил үлэһиттэрэ маҕаһыын 40 саастаах атыыһытын туппуттар. Ол курдук, уорбаланааччы сыл аҥаара атыыһытынан үлэлээри, каассаттан кыра-кыралаан харчы уора сылдьыбыта биллибит. Уорбут харчытын кини тус наадаларыгар туттан испит.

ИДьМ пресс-сулууспата иһитиннэрбитинэн, Арассыыйа Федерациятын холуобунай кодексатын 160 ыст. 1 ч. «Иҥэринии, хоромньуну оҥоруу» диэнинэн холуобунай дьыала тэриллибит.