Хаартыска: Мария Васильева, ЯСИА
ИДьМ сулууспатын 3 №-дээх полициятын отделын дьуһуурунай чааһыгар маркетплейс бэрэстэбиитэллэриттэн сайабылыанньа киирбит.
Инвентаризация кэмигэр табаар биэрэр пууннартан биирдэстэриттэн 50 тыһыынча солкуобай кэриҥэ суумалаах табаар уоруллубута биллибит.
Холуобунай ирдэбил үлэһиттэрэ суһал-көрдүүр тэрээһиннэрин ыытан, уорууга сыһыаннаах уорбаланааччыны быһаарбыттар. Кини урут халааһын иһин сууттана сылдьыбыт, табаар ылар пуун 25 саастаах үлэһитэ буолара биллибит.
Силиэстийэҕэ быһаарыллыбытынан, буруйу оҥорооччу табаар биэрэр пууҥҥа үлэлии сылдьан, сыл устата тус бэйэтин аккаунуттан сакаас оҥорор эбит. Табаар кэллэҕинэ «төннөрүү» (возврат) оҥорторон баран, табаары бэйэтигэр хаалларар буолбут. Итини таһынан, маркетплейс атыылаһааччылара аккаастаабыт табаардарын эмиэ итинник дьаһанар эбит. Сүрүннээн уорбаланааччы бэйэтигэр таҥас, оонньуур приставкаҕа аналлаах диск, чехол, сэрээккэлиир тэрил уо.д.а. сакаастыыра биллибит.
РФ Холуобунай кодексатын 158-с ыстатыйатын 1-кы чааһынан («Уоруу») холуобунай дьыала тэрилиннэ.
УФСИН начаалынньыга Сергей Калиновскай уонна кини солбуйааччыта Анатолий Вальтер «Боотур» этэрээт байыастарын бэлэмнэээһиҥҥэ үөрэх киинигэр…
Бу күннэргэ аан дойду атыйахтаах уу курдук дьалкыйа турар. Ол курдук, ааспыт нэдиэлэҕэ АХШ дьаһалтата…
Бүгүн, сэтинньи 28 күнүгэр, учуонайдар бу ыйга геомагнитнай күүрүү бүтэһик хамсааһынын кэтэһэллэр. Кэнники күннэргэ буолуталаабыт…
Сулустар тугу сипсийэллэр? Хой Нэдиэлэ устата дьыалаҥ чэпчэкитик сатаныа. Ол эрээри тус олоххор, сынньалаҥҥар сыһыаннаах…
Саха сирин синоптиктарын сабаҕалааһыннарынан бүгүн, сэтинньи 28 күнүгэр, киин улуустарга, Өлүөнэ алын тардыытынан, соҕуруулуу-илин оройуоннарга…
Алтыс Хотугу пуорум пленарнай сиэссиэйэтэ аан дойдуга Арктика тиэмэтэ олус наадалааҕын көрдөрдө. Пуорумҥа сүрүннээн Арассыыйа…