Дьокуускайга массыына иһиттэн харчыны уоруу дьыалатын арыйдылар

Дьокуускай куорат 3 №-дээх полициятын  отделын дьуһуурунай чааһыгар биир эр киһи массыынатыттан харчытын уорбуттарын туһунан сайабылыанньаны аҕалла. Суһал-көрдүүр дьаһаллар түмүктэринэн,  уорууга урут уоруу иһин сууттана сылдьыбыт 33 саастаах киһи сыһыаннааҕын быһаардылар.

Буруйу оҥорооччу түүн аһаҕас турбут гарааска киирбит. Кини онно хатамматах массыына турарын көрөн, сыратын-сылбатын уурбакка арыйбыт уонна массыына иһиттэн 5 солкуобайы ылан  барбыт. Бу ылбыт харчытын тус наадатыгар туһаммыт.

“Уоруу” ыстатыйанан холуобунай дьыала тэрилиннэ, маннык түбэлтэҕэ буруйданааччы 5 сылга диэри көҥүлэ быһыллыан сөп.

Полиция массыыналаах дьон тиэхиньикэлэрин көрүүтэ-истиитэ суох хаалбаттарыгар сүбэлиир. Массыынаттан кылгас кэмҥэ да тахсарга массыынаҕыт  аанын сабыҥ, харыстанар сириэстибэлэри туһаныҥ. Массыынаҕа гаджеттары, сыаналаах маллары, харчыны хаалларымаҥ. Болҕомтолоох буолуҥ.

СӨ ИДЬМ пресс-сулууспата