Дьокуускайга массыына оҕону түҥнэри көттө

Ааспыт сууккаҕа Саха сиригэр аҕыс буруйу оҥоруу бэлиэтэммитин туһунан дьуһуурунай борокуруор иһитиннэрэр.

Дьокуускайга уонна Нерюнгрига суотабай төлөпүөнү, ноутбугу уорбуттар.

Дьокуускай түөрт олохтооҕо түөкүттэргэ барыта холбоон 2,1 мөл.солк. албыннаппыт.

Алдан оройуонугар күүс өттүнэн күһэйии, Уус Ньараҕа «Тойота Ипсум» массыынаны уоруу бэлиэтэммиттэр.

Киһи өлүүлээх суол саахала бэлиэтэммэтэх.

Дьокуускайга Покровскайдыыр суол 8 км пешеходунан туораан испит 2011 с.т. оҕону «Ниссан Ванет» массыынаны ыытан испит 1964 с.т. суоппар түҥнэри көппүт. Оҕону госпитализациялаабыттар.

 Суукка иһигэр итирик туруктаах уон суоппар тутуллубут.