Дьокуускайга массыына саахалыгар үс киһи эмсэҕэлээтэ

Алтынньы 21 күнүгэр Дьокуускайга Автострада 50 уулуссанан «Тойота-Камри» массыынаны ыытан испит дьахтар иннигэр баран иһэр «Тойота-Виш» массыынаҕа кэтиллибит. Ол түмүгэр «Тойота Виш» массыына иннигэр айаннаан иһэр «Тойота Лэнд Крузерга» баран түспүт. Саахал түмүгэр 16 cаастаах кыыс эмсэҕэлээбит. «Виш» уонна «Камри» массыыналар суоппардара кыра эчэйиилэри ылбыттар.

Суол быһылаана тахсар кэмигэр «Камри» суоппара дьахтар арыгы испитэ биллибит.  Онон киниэхэ  административнай быраабы кэһии иһин боротокуол оҥоһуллубут. Дьахтар 2019 сылтан массыына ыытар бырааптаах эбит, инники ГАИ-га административнай эппиэтинэскэ тардылла сылдьыбатах.