Дьокуускайга массыына умайда

Тохсунньу 21 күнүгэр сарсыарда 10 чаас 25 мүнүүтэҕэ Дьокуускай куорат баһаарынай-быыһыыр сулууспатыгар Марха түөлбэҕэ Советскай уулуссаҕа ВАЗ-2113 массыына умайбытын туһунан иһитиннэрии киирбит.

7 мүнүүтэнэн быһылаан буолбут сиригэр ЫБММ 5-с нүөмэрдээх баһаарынай-быыһыыр этэрээтэ тиийбиттэр. Баһаар түмүгэр эчэйбит киһи суох, массыына 4 кв. миэтэрэ иэнэ уокка  алдьаммыт. Бастакы быһаарыынан, баһаар төрүөтэ – солуон иһинээҕи  боробуоттар умайбыттар. Буруйдаах уонна оҥоһуллубут хоромньу быһаарыллар. Уоту умуорууга 4 киһи уонна биир тиэхиньикэ кытынна.