Хаартыска: Дьокуускай куорат дьаһалтатын пресс-сулууспата.
Дьокуускайга былырыын олордуллубут үүнээйилэргэ ууну кутуу, көрүү-харайыы саҕаланна. Бастаан Ленин проспегар уонна Лермонтов уулуссатыгар олордуллубут үүнээйилэри көрдүлэр-харайдылар. Онтон Ильменскэй, Пирогов уулуссаларыгар мастары, талахтары олордуу саҕаланыаҕа диэн Дьокуускай куорат дьаһалтата иһитиннэрэр.
Былырыын проспегы оҥороллоругар элбэх улахан маһы алдьаппыттара. Хомойуох иһин, иирэлэри эрэ буолбакка, үйэ аҥаара саастаах улахан хатыҥнары эмиэ туурбуттара. Ол оннугар кып-кыракый талахтары уонна мастары олордубуттара, билигин саҥа тыллан, бытыгыраан эрэллэр. Бу мастар билигин үчүгэй көрүүнү-харайыыны эрэйэллэр.
Биллэрин курдук, мас дириҥ силистэниэр, улаатыар диэри уу кутуллуохтаах, үчүгэйдик харайыллыахтаах. Куорат дьаһалтата быһаарбытынан, мастары бэдэрээттэспит биригээдэлэр көрүөхтэрэ-харайыахтара. Куорат хаһаайыстыбатын сулууспатын салайааччы Владимир Аммосов этэринэн, үүнээйилэргэ ууну киэһэ уонна түүн кутар буолуохтара.
Маны тэҥэ, билигин сибэккилэри олордууга бэлэмнэнэллэр, сорох уокуруктарга үлэ саҕаланна. Территориялары сайыннарыы департаменын начаалынньыга Владислав Слепцов этэринэн, куораты көҕөрдүү сүрүн үлэтэ бэс ыйын 1 күнүттэн хантараагынан үлэ быһыытынан саҕаланыаҕа.
Ааспыт өрөбүллэргэ Ленин проспегар талахтары кырыйан быһыылыыр үлэ ыытылынна. Бу талахтар тыыннаах олбуор курдук буолуохтаахтар, кинилэри кырыйан, быһыылаан иһиэхтээхтэр. Проспекка барыта 5,5 тыһыынча маһы уонна талаҕы олордубуттар. Бу мантан 3 тыһыынча кэриҥэ талах кэмиттэн кэмигэр кырыллыахтаах.
Бастакы сылыгар акациялары, спиреялары, дөлүһүөннэри кырыйдылар. Бу үлэни куорат баһылыгын көҕөрдүүгэ сүбэһитэ Екатерина Павлова салайар.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…