Дьокуускайга матасыыкыл саахалыгар 70 саастаах эр киһи өллө

Бэҕэһээ, бэс ыйын 19 күнүгэр, Дьокуускай куорат Капитоновка сэлиэнньэтин таһыгар сарсыарда 10 ч. саҕана эр киһи өлүгүн буллулар. 

Барыллаан быһаарыынан, саахал сарсыарда 5 ч. саҕана буолбут. 70 саастаах эр киһи «УРАЛ ИМ3 8.103» мааркалаах матасыыкылынан Кангаласстан Дьокуускайдаан иһэн саахалламмыт.

Суоппар саахал миэстэтигэр тыына быстыбыт. Кини А категориялаах дастабырыанньалаах эбит даҕаны, болдьоҕо ааспыт, оттон матасыыкыл регистрацията суох.

Быһылаанынан бэрэбиэркэ саҕаланна.