Дьокуускайга матасыыкыллаах итирик киһи суол быһылаанын оҥорбут

Бу сарсыарда 05:00 саҕана Дьокуускайга СӨ Суолга куттал суох буолуутун судаарыстыбаннай иниспиэксийэтин бөлөҕөр Богатырев уулуссатыгар суол быһылаана тахсыбытын туһунан иһитиннэрии киирбит.

19 саастаах киһи Губин аатынан уулуссанан «Regulmoto»  матасыыкылы ыытан иһэн, «Irbis» мото-тырааныспары кэнниттэн саайбыт.

Суол-тырааныспар быһылаанын түмүгэр ким даҕаны эчэйбэтэх. Бэрэбиэркэ түмүгэр 19 саастаах матасыыкыллаах киһи 0,488 мг/л арыгыны испитэ биллибит. Кини РФ КоАП 12.8 ыстатыйатын 3 чааһынан административнай эппиэккэ тардылынна.