СӨ Ил Дарханын уонна Бырабыыталыстыбатын пресс-киинин хаартыската
Дьокуускайга мэдиссиинэ арктическай киинэ баар буолуоҕа. Киин исписэлиистэрэ ыраах сытар оройуоннарга тиийэн мэдиссиинискэй көрүүнү сылга иккитэ тэрийиэхтэрэ. Бу туһунан бүгүн, олунньу 17 күнүгэр, Мииринэй куоракка «Алмаастаах кыраай» медиахампаанньа быһа эпииригэр Ил Дархан Айсен Николаев иһитиннэрдэ.
Ыраах сытар улуустарга тустаах быраастар тиийбэттэрэ, аҕыйахтара биллэр. Маны быһаарар инниттэн тус сыаллаах үлэ ыытыллан, сөптөөх исписэлиистэри бэлэмнииргэ болҕомто ууруллуоҕа. Бу хайысхаҕа дойду үрдүнэн доруобуйа харыстабылыгар арктическай моделы оҥоруу ыытыллар. Маны олоххо киллэрэргэ Саха сирэ тустаах пилотнай бырайыагы үлэлэтэргэ ылыста.
«Дьокуускайга мэдиссиинэ арктическай киинэ тэриллиэҕэ. Тустаах исписэлиистэр хоту улуустарга баран үлэлиэхтэрэ. Былаан быһыытынан хоту улуустар олохтоохторо сылга иккитэ хайаан да доруобуйаларын туругун көрдөрөллөрүн ситиһиэхтээхпит. Сатаннаҕына, сылга түөртэ да көрдөрөллөрө ситиһиллиэн эмиэ сөп. Манна диспансеризация көмөлөһүөҕэ. Бу олоххо киирдэҕинэ, ыарыы аһара дириҥии илигинэ эрдэ булуллан, дьон эмтэниини этэҥҥэ ааһалларыгар көдьүүстээх буолуоҕа», — диэн Айсен Николаев иһитиннэрдэ.
Ил Дархан иһитиннэрбитинэн, Саха сиригэр спортивнай саалалары тутуу күүскэ барыахтаах. Оҕоҕо чөл олоҕу пропагандалааһын адьас кыра эрдэҕиттэн саҕаланыахтааҕын ыйда.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…