sakha.gov.ru
Федерация Сэбиэтин федеративнай тэриллиигэ, эрэгийиэннээҕи бэлиитикэҕэ, олохтоох салайыныыга уонна Хотугу сир дьыалаларыгар кэмитиэтин бэрэссэдээтэлэ Андрей Шевченко салайааччылаах дэлэгээссийэ М. К. Аммосов аатынан Хотугулуу-Илиҥҥи федеральнай университет эбийиэктэригэр сырытта.
68 кыбартаалга Мэдиссинискэй институт виварийдаах үөрэтэр-лабораторнай куорпус тутуутун миэстэтин көрдүлэр. Билигин тутуу бырайыактыыр-симиэтэлиир докумуона судаарыстыбаннай экспертизаны ааһа сылдьар.
СӨ Ил Түмэнин бэрэссэдээтэлэ Алексей Еремеев мэдиссиинэ тэрилтэлэригэр исписэлиистэр аҕыйахтарын бэлиэтээтэ уонна ол кыһалҕаны туоратар туһунан тоһоҕолоон эттэ.
Ону таһынан, дэлэгээссийэ аан дойдутааҕы таһымнаах суперкампус бырайыагын көрдө. Манна үөрэтэр уонна олорор куорпустар, технопарк уонна тулалыыр эйгэни тупсарар былаһааккалар киирэллэр.
Сенатордар 6 уонна 8 №-дээх уопсайдары көрдүлэр. Туһааннаах куорпустарга РФ үөрэҕириитин министиэристибэтин субсидиятын чэрчитинэн хапытаалынай өрөмүөн оҥоһуллубута. Эһиил эбийиэктэргэ «Азия оҕолоро» норуоттар икки ардыларынааҕы успуорт оонньуулар кыттыылаахтара олоруохтара.
Андрей Шевченко билигин үөрэх инфраструктуратын сайыннарыыга күүстээх болҕомто ууруллуохтааҕын бэлиэтээтэ.
Сиһилии манна ааҕыахха сөп: https://www.sakha.gov.ru/news/front/view/id/3368807
СӨ Ил Дарханын уонна СӨ Бырабыыталыстыбатын пресс- сулууспата
Бэчээккэ бэлэмнээтэ Эльдар Садовников
Бүгүн Ем.Ярославскай аатынан хотугу норуоттар култуураларын уонна историяларын холбоһуктаах судаарыстыбаннай түмэлигэр саха балаҕаныгар истиҥ-иһирэх тэрээһин…
Сарсын, ахсынньы 25 күнүгэр, Москва бириэмэтинэн 10:00 чааска, Ил Дархан Айсен Николаев өрөспүүбүлүкэ 2025 сыллааҕы…
«Нелегальнай мигрант» эпэрээссийэ чэрчитинэн, полиция үлэһиттэрэ, Арассыыйа ФСБ-тын Саха сиринээҕи салаатын, Арассыыйа ИДьМ хотугулуу-илиҥҥи линиэйнэй…
Сэрэтэр дьаһаллар чэрчилэринэн полицейскайдар арыгылаах бородууксуйаны сокуону кэһэн атыылааһын биэс түбэлтэтин быһаардылар. Ол курдук, Петр…
Быраастар 30 саастаах дьахтар иһиттэн олус улахан кистаны эпэрээссийэлээн ылбыттар. Дьахтар иһэ 9 ыйдаах хат…
Бэҕэһээ, ахсынньы 23 күнүгэр, Дьокуускай куорат историятын түмэлигэр «Зима. Магия света» диэн ааттаах быыстапка аһыланна.…