Дьокуускайга миграннары бэрэбиэркэлээтилэр

Дьокуускайга «Нелегальный мигрант» диэн сэрэтэр суһал үлэ бастакы түһүмэҕэ ыытылынна. Ол курдук, ИДьМ Дьокуускай куораттааҕы управлениетын үлэһиттэрэ икки күн устата 710 кэлии дьону бэрэбиэркэлээтилэр.

Бэрэбиэркэ түмүгүнэн, миграционнай сокуоҥҥа 29 административнай быраабы кэһии булуллубут. Онон административнай ыстарааптар олохтоммуттар. Уопсай суумма 210 тыһыынча солкуобайга тэҥнэспит. Ону таһынан биэс буруйу оҥоруу баара биллибит. РФ холуобунай кодексатын 322.3 уонна 327 ыст. процессуальнай бэрэбиэркэлэр саҕаламмыттар.

Рейдэлиир үлэлэр салҕаналлар диэн ИДьМ Дьокуускайдааҕы пресс-сулууспата иһитиннэрэр.