Дьокуускайга Михаил Николаев кэриэһигэр «Махтал» кэнсиэр буолуоҕа

Сэтинньи 13 күнүгэр, Михаил Николаев төрөөбүт күнүгэр, Саха сирин Бастакы Бэрэсидьиэнин  кэриэһигэр «Махтал» кэнсиэр буолуоҕа диэн Николаев-киин иһитиннэрэр.

Үөрүүлээх тэрээһин Саха сирин В.А. Босиков аатынан Муусука Үрдүкү оскуолатын устудьуоннарын уонна выпускниктарын көҕүлээһиннэринэн, Саха балет оскуолатын, Дьокуускай куорат уокуруктааҕы дьаһалтатын, өрөспүүбүлүкэ артыыстарын өйөбүллэринэн ыытыллар.

Кэнсиэр А.Е. Кулаковскай аатынан Норуоттар доҕордоһууларын дьиэтигэр күнүс 16:00 ч. саҕаланар. Киирии босхо.

Санатан эттэххэ, Михаил Николаев Саха сирин судаарыстыбаннаһын уонна социальнай-экэнэмиичэскэй сайдыытын Конституционнай төрүттэрин тэрийиигэ уһулуччулаах кылаатын бэлиэтээн туран Ил Дархан Айсен Николаев сэтинньи 13 күнүн Инновация күнүнэн биллэрбитэ.