Дьокуускайга министиэристибэлэр бэрэстэбиитэллэрин кытта көрсүһүүлэри тэрийиэхтэрэ

Дьокуускайга алтынньы 24 күнүгэр Саха сиригэр уонна Арассыыйаҕа Ийэ күнүгэр анаммыт тэрээһиннэри ыытыахтара.

Саха сирин Уопсастыбаннай  балаататын «Былаас уонна уопсастыба аһаҕас кэпсэтиитэ» бырайыагын чэрчитинэн, нэһилиэнньэни эрэгийиэн министиэристибэлэрин уонна биэдэмистибэлэрин бэрэстэбиитэллэрин кытта көрсүһүүлэри тэрийиэхтэрэ.

Гражданнары кытта көрсүһүү киин куорат уопсастыбаннай киинигэр, Курашов уулуссата, 24 аадырыска (401 №-дээх хос) 14:00 чаастан 16:00 чааска диэри ыытыллара былааннанар. Ону таһынан бу күн кииҥҥэ 16:00 чаастан 18:00 чааска диэри «Ийэ буолуу духуобунай-сиэр-майгы төрүттэрэ уонна уопсастыба сайдыытын аныгы кэрдиис кэмигэр уопсастыбаннай-судаарыстыбаннай партнерство актуальнай боппуруостара» тиэмэҕэ төгүрүк остуол буолуоҕа.