Хаартыска: А.Сорокин (СИА)
Саха сирин өрүстэригэр халаан уута гидрометеорологтар эрдэ сабаҕалаабыт болдьохторугар күүтүллэр. Сабаҕалааһын быһыытынан, өрөспүүбүлүкэ сиригэр-уотугар Өлүөнэ өрүс ыам ыйын 8 күнүн диэки арыллыаҕа. Дьокуускайга муус барыыта ыам ыйын 16 күнүгэр күүтүллэр. Ыам ыйын 2 күнүгэр Гидрометкиин начаалынньыга Татьяна Маршалик иһитиннэрбитинэн, ыам ыйын 2 күнүгэр өрөспүүбүлүкэ өрүстэригэр билигин да кыһыҥҥылыы турар.
«Барыллаан сабаҕалааһынынан, Дьокуускай оройуонугар муус хамсааһына ыам ыйын 16 күнүгэр бэлиэтэниэ. Билиҥҥитэ бэйэбит сабаҕалааһыммытын тутуһабыт. Халыма өрүстэн кыратык куттанабыт, тоҕо диэтэххэ, манна өр кэм устата олус сылаас күннэр тураллар. Халыма өрүскэ сабаҕалааһыммытын баҕар эмиэ уларытыахпыт. Тоҕо диэтэххэ, күн-дьыл туругуттан элбэх тутулуктанар. Күнтэн-дьылтан болдьоҕу уларытыы кыра өрүстэргэ эмиэ тахсыан сөп. Сылаас күннэр тураннар Өлүөхүмэҕэ муус хамсааһына уруккутааҕар эрдэ саҕалананыан сөп, ол Өлүөнэ өрүскэ муус ааһарын чэпчэтиэ. Онон, кыра өрүстэри көрөн, сабаҕалааһыны уларытыахпытын сөп. Ардахтаах сөҥүү түһэрэ олус үчүгэй. Өрөспүүбүлүкэ соҕуруу уонна киин улуустарыгар өрөбүллэргэ күнүс ардахтаах сөҥүүнү күүтэбит, бу циклон салҕыы арҕаа тахсыаҕа», -– диэн Татьяна Маршалик быһаарда.
Ууга барыан сөптөөх зонаҕа 24 улуус 123 нэһилиэнньэлээх пууна киирсэр. Быстах кэмҥэ олорорго эрдэттэн 271 пууну арыйарга былааннаатылар.
Гидрометеорологтар суукканы быһа үлэлиир дьуһуурустубаҕа көстүлэр. Өрөспүүбүлүкэҕэ өрүс балаһыанньатыгар мониторинг оҥорорго барыта 127 бастайааннай уонна 56 быстах кэмнээх пост үлэлииллэр.
Бүгүн, ахсынньы 14 күнүгэр, аам даам тымныы күүһүрэн турдаҕына, Мэҥэ Хаҥалас күнүгэр аналлаах Оһуокайга ыччаттар…
Лия бөлүүн түһээн эмиэ оҕо сааһыгар, олорбут дьиэтигэр, оонньообут тэлгэһэтигэр, үрдүк эмпэрэ биэрэктээх Өлүөнэ кытылыгар…
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…