Дьокуускайга муус хамсааһына ыам ыйын 15 күнүгэр күүтүллэр

Дьокуускайга муус хамсааһына ыам ыйын 15 күнүгэр күүтүллэр.

Ыам ыйын 15-17 күннэригэр Табаҕа-Дьокуускай-Граф биэрэгэр муус барара күүтүллэр диэн УГМС начаалынньыгын солбуйааччы Татьяна Маршалик иһитиннэрдэ.

Өлүөнэ эбэҕэ муус Өлүөхүмэ, Хаҥалас улуустарынан хойуутук устар. Муус алын кырыыта Сиинэҕэ бэлиэтэнэр.

—Быйыл муус хамсааһына нуорматтан 3-5 күн эрдэлиир, Халымаҕа — нэдиэлэнэн. Маныаха сылаас күн-дьыл туруга дьайар. Билигин ардах түһэрэ муус барыытын чэпчэтэр, — диэн бэлиэтиир Маршалик.

Сиһилии: https://www.sakha.gov.ru/news/4441 манна көрүҥ.

СӨ Ил Дарханын уонна Бырабыыталыстыбатын пресс-сулууспата