Дьокуускайга нэдиэлэ иһигэр суол быһылааныгар тоҕус киһи эмсэҕэлээтэ

Ааспыт нэдиэлэҕэ Дьокуускайга биэс суол быһылааныгар тоҕус киһи эмсэҕэлээтэ. Өрөспүүбүлүкэ үрдүнэн киин куоракка уопсайа 52 суол саахала тахсыбыта бэлиэтэннэ, диэн Дьокуускай куорат уокуруктааҕы дьаһалтатын мунньаҕар иһитиннэрдилэр.

Саахал тахсар сүрүн түгэннэринэн: массыынанан айаннаан иһэн атын балаһаҕа сыыһа киирии, дистанцияны кэһии, бэйэ-бэйэни аһардыбат буолуу.

Ол курдук суол быраабылатын 1120 кэһии бэлиэтэммит, 22 суоппар итирик туруктаах сылдьан тутуллубут, онтон түөрдэ хостоон тутуллубут. Тырааныспары бырааба суох ыыта сылдьыбыт 33 суоппар биллибит.

Суол бэлиэлэрин ирдэбиллэрин кэһии, таһаҕаһы бүрүөһүнэ суох тиэйии, судаарыстыбаннай нүөмэрдэрэ суох эбэтэр нүөмэрэ көстүбэт тырааныспарынан сылдьыы иһин улахан уйуктаах 24 массыына суоппара эппиэтинэскэ тардылыннылар.