Дьокуускайга миграннары бэрэбиэркэлииллэр

Дьокуускайга ИДьМ Саха Өрөспүүбүлүкэтигэр управлениетын сотрудниктара Росгвардия управлениетын уонна өрөспүүбүлүкэтээҕи УФСБ-ны кытта «Нелегальный мигрант» оперативнай-сэрэтэр эпэрээссийэни ыыталлар.

Үлэлэрин дуогабарын туһунан сымыйа докумуоннаах миграционнай учуокка тура кэлбит Киргизия Өрөспүүбүлүкэтин үс олохтооҕун РФ КоАП 19.27 ыст 1 чааһынан административнай эппиэккэ тартылар. Кинилэр үлэни биэрээччилэрин РФ УК 322 ыст көрүллүбүт буруйу оҥоруу састаабынан бэрэбиэркэлииллэр. Омук гражданкатыгар РФ сиригэр сылдьыы эрэсиимин кэспитин иһин административнай боротокуол толоруллар, ол иһигэр сааһын ситэ илик оҕотугар эмиэ.
Ону тэҥэ чааһынай дьиэ гарааһыгар бары санитарнай ирдэбили кэһэн туран килиэби оҥороллоро билиннэ. Бу астыыр сирдэригэр тута СӨ Роспотребнадзорун управлениетын үлэһитин ыҥырдылар.

ИДьМ Саха Өрөспүүбүлүкэтигэр пресс-сулууспата