Ил Дархан, бырабыыталыстыба пресс-сулууспата.
Хааһына инфраструктурнай кирэдьиитин лимиитэ маастар-былааннары олоххо киллэриигэ бастатан туран, ыытыллыахтаах. Маннык соругу РФ бырабыыталыстыбатын бэрэссэдээтэлин солбуйааччы — УҺук Илиҥҥэ бэрэсидьиэн боломуочуйалаах бэрэстэбиитэлэ Юрий Трутнев Уһук Илин эрэгийиэннэрин салайааччыларын уонна федеральнай министиэристибэлэр бэрэстэбиитэллэрин мунньаҕар туруорда.
Уһук Илини уонна Арктиканы сайыннарыы миниистирэ Алексей Чекунков бэлиэтээбитинэн, министиэристибэ Уһук Илин эрэгийиэннэригэр үбү үллэрии бырайыагын бэлэмнээбит. Ол чэрчитинэн, эрэгийиэн бүддьүөттэн хааччыллыытын, маастар-былаан оҥоһуллуохтаах сиригэр нэһилиэнньэ ахсаанын, о.д.а. барытын учуоттаабыттар. Биир эрэгийиэҥҥэ муҥутаан 10 миллиард солкуобайы биэриэхтэрин сөп.
— Бэрэсидьиэн сорудаҕынан, Уһук Илин куораттарын сайыннарыы сөҕүмэр үлэтэ салҕанар. Илиҥҥи экэнэмиичэскэй пуорум пленарнай мунньаҕын түмүгүнэн, Уһук Илин уонна Арктиканы сайыннарыы маастар-былааныгар инфраструктурнай кирэдьиит быһыытынан 100 миллиартан тахса солкуобай көрүллүөҕэ диэн быһаарыллыбыта. Бу элбэх харчы, ону сөпкө туһаныахтаахпыт, эппиэтинэс улахан, — диэн Юрий Трутнев эттэ.
Билиҥҥи туругунан, Уһук Илин 25 куоратыгар маастар-былаан оҥоһуллубута. Ол иһигэр Дьокуускай, Нерюнгри бааллар. 2030 сылга диэри бу куораттарга 133 саҥа эбийиэк тутуллуохтаах. Маны тэҥэ, Арктикаҕа тирэх пуун быһыытынан Тиксии-Найба агломерация киирбитэ.
Ил Дархан, бырабыыталыстыба пресс-сулууспата.
Муус устар саҥатыгар ИДьМ дьуһуурунай чааһыгар Хаҥалас оройуонугар Улахан Ааҥҥа чааһынай дьиэ умайбытын туһунан иһитиннэрии…
“Мин санаам бары салаалара салҕанан барыахтарын баҕарабын...” (“Пусть нити моих мыслей продолжаются...”). Бу П.А.Ойуунускай аатынан…
П.И. Дудин аатынан Дьокуускайдааҕы сибээс уонна информационнай технология кэллиэһин баазатыгар космическай кэтээн көрүү дааннайдарын уонна…
Муус устар 12-18 күннэригэр Дьокуускай куоракка физкултуураҕа Бүтүн Арассыыйатааҕы үөрэнээччилэр олимпиадаларын түмүктүүр түһүмэҕэ буолан ааста.…
Саха сирин ИДьМ холуобунай ирдэбилин управлениетын оперативниктара Булуҥ оройуонугар урут сууттана сылдьыбыт 34 саастаах киһини…
Олоххо араас түгэн баар. Холобур, сорохтор кистии-уора болкуоҥҥа шашлык эмиэ буһарар түгэннэрэ тахсар. Мапнна биир…