Дьокуускайга Николай Патрушев уонна Айсен Николаев оробуочай көрсүһүүлэрэ буолла

Дьокуускайга РФ Бэрэсидьиэнин Көмөлөһөөччүтэ уонна РФ Муоратааҕы кэллиэгийэтин бэрэссэдээтэлэ Николай Патрушев кэллэ.  Федеральнай салайааччы Ил Дархан Айсен Николаевы кытта оробуочай көрсүһүүнү ыытта.

Көрсүһүүгэ Өлүөнэ өрүһүнэн Хотугу муора суолугар уонна  Трансарктическай тырааныспар суолугар тахсар интермодальнай транзитнай аан дойдутааҕы тырааныспар суолун оҥоруу боппуруостарын көрдүлэр.

Салгыы Лаптевтар муораларын Хара Уулаах буухтатыгар саҥа муора пордун тутуу бырайыагын  дьүүллэстилэр, бу 2050 сылга диэри Хотугу муора суолун уонна Трансарктическай тырааныспар суолун сайыннарар стратегия чэрчитинэн “Мохэ-Найба” аан дойдутааҕы тырааныспар суолун биир сүрүн эбийиэгинэн буолуоҕа.

Көрсүһүүгэ Өлүөнэ бассейнын флотун саҥардар сорук эмиэ биир тиэмэнэн буолла. Ил Дархан иһинэн ыытыллар Муора сэбиэтигэр дьүүллэһиллиэхтээх тиэмэлэр туспа таарылыннылар, диэн иһитиннэрэр Ил Дархан, бырабыыталыстыба пресс-сулууспата.