Хаартыска: sportyakutia
Олунньу 27 күнүттэн кулун тутар 2 күнүгэр диэри Дьокуускайга кикбоксиҥҥа ССРС-тан аан дойду бастакы чөмпүйүөнэ Александр Иванов кэриэһигэр Уһук Илиҥҥи федеральнай уокурук чөмпүйэнээтэ уонна Юниордар чөмпүйэнээттэрэ («лоу-кик» дьиссипилиинэҕэ) ыытыллыаҕа.
“Күрэхтэһиигэ бэлэмнэнии күүскэ бара турар. Уһук Илин алта эрэгийиэниттэн: Приморскай, Хабаровскай уонна Камчатскай кыраайдартан, Сахалин уонна Амур уобаластарыттан, ону тэҥэ Бурятия Өрөспүүбүлүкэтиттэн спортсменнары күүтэбит. Чаҕылхай киирсиилэр буолуохтара диэн эрэллээхпит», — диэн өрөспүүбүлүкэ Кикбоксиҥҥа федерациятын бэрэстэбиитэллэрэ иһитиннэрдилэр.
Күрэхтэһии олимпийскай систиэмэнэн ыытыллыаҕа, кылаабынай судьуйанан уопуттаах Андрей Шкитин (Москва уобалаһа) анаммыт. Эр дьон 12 ыйааһыннаах категориянан, оттон дьахталлар сэттэ категориянан киирсиэхтэрэ.
Кыайыылаахтар уонна бириистээх миэстэлээхтэр өйдөбүнньүк мэтээллэри уонна грамоталары тутуохтара. Күрэхтэһии түмүгүнэн, салгыы Арассыыйа чөмпүйэнээттэригэр уонна күрэхтэһиилэригэр кыттарга Уһук Илиҥҥи уокурук күүстээх спортсменнара талыллыахтара, диэн иһитиннэрэр УФКиМС пресс-сулууспата.
Сыылка:
Александр Иванов 1968 сыллаахха балаҕан ыйын 24 күнүгэр Ньурбаҕа төрөөбүтэ. Норуоттар икки ардыларынааҕы кылаастаах спорт маастара, кикбоксиҥҥа ССРС үс төгүллээх чөмпүйүөнэ, КГТ чөмпүйүөнэ (1992–1993), Европа вице-чөмпүйүөнэ (1990), аан дойду чөмпүйүөнэ (1991). Спорт бу көрүҥэр дойдуга бастакы титулованнай спортсмена буолбута.
Дьокуускай куорат 1 нүөмэрдээх поликлиникатыгар НГМ (система непрерывного мониторинга глюкозы) систиэмэни 1 тииптээх саахарынай диабеттаах…
Бу күннэргэ өрөспүүбүлүкэҕэ «Нелегал» эпэрээссийэ ыытылла турар. Тэрээһин алтынньы 22 күнүгэр диэри ыытыллыаҕа. [gallery ids="247795,247796,247797"]…
2026 сылга дьиэ кэргэн нолуогун төлөбүрүн икки уонна онтон элбэх оҕолоох 7 мөлүйүөнтэн тахса үлэлиир…
Дьокуускай куоракка алтынньы 17-31 күннэригэр ыытыллар “Чайковский-фест. Якутск” опера-балет бэстибээлигэр Мариинскай уонна Улахан тыйаатыр, ону…
Бу нэдиэлэҕэ Красноярскайга Арассыыйа успуордун үтүөлээх маастара Заур Батаев бирииһигэр Бүтүн Арассыыйатааҕы көҥүл тустууга турнир …
"Саха Өрөспүүбүлүкэтигэр тулаайах уонна көрүүтэ-истиитэ суох хаалбыт оҕолору дьиэнэн хааччыйыы" бырагырааманан быйыл Үөһээ Бүлүү улууһугар…