Андрей Сорокин, ЯСИА
Бу сайын Дьокуускайга Норуоттар икки ардыларынааҕы интеллектуальнай оонньуулар ыытыллыахтара, онно Азия 20 дойдутуттан оскуола оҕолоро кыттыахтара.
Бу туһунан СӨ Наукаларын дьоҕус академиятын ректора Василий Павлов иһитиннэрдэ диэн ТАСС суруйар.
Кини этэринэн, тэрээһин былаһааккаларынан өрөспүүбүлүкэ киин куората эрэ буолбакка, Саха сирин бастакы бэрэсидьиэнэ Михаил Николаев төрөөбүт дойдута Чапаево сэлиэнньэтэ эмиэ буолуоҕа. Оонньуулар манна үһүс төгүлүн ыытыллыахтара.
Бырагыраама чэрчитинэн норуоттар икки ардыларынааҕы чинчийэр оскуоланы ыытыы былааннанар. Бу — науканан уонна чинчийэр үлэнэн үлүһүйэр оскуола оҕолоругар аналлаах бырайыак. Бастакы Норуоттар икки ардыларынааҕы интеллектуальнай оонньуулар 2018 сыллаахха буолбуттара.
Тэрээһин сүрүн сыала — наука уонна технология сайдыытын сэҥээрэр көхтөөх оскуола оҕолорун, педагогтары уонна учуонайдары түмэр норуоттар икки ардыларынааҕы түмсүүнү тэрийии.
Билигин магнитнай буурҕалар үгүстүк түһэллэринэн, эдэр да саастаах дьон төбөлөрө сотору-сотору ыалдьыан сөп. Төбө ыарыытыгар…
Үгүс хаһаайкалар ас астыы сылдьан эт кырбыылларыгар убаһа, ынах сыатын туспа быһан салапааҥҥа суулууллар уонна…
Булуҥ оройуонун суута Эдьигээн олохтооҕун буруйдааҕынан билиннэ. Кини утарылаһааччытын куруусканан төбөҕө охсон, киһи өлүүтүгэр тиэрдибит…
Холбоһуктаах Араб Эмираттарын киин куоратыгар «Успуорду таптааччыларын аһаҕас оонньуулара» (Open Masters Games) түмүктэннэ. Бу оонньуулар…
Быйыл Олоҥхо ыһыаҕа от ыйын 4–5 күннэригэр Кэбээйи нэһилиэгэр ыытыллыаҕа. Бырааһынньыкка бэлэмнэнии номнуо саҕаланна: манна…
Олунньу 14 күнүгэр Кэбээйи сэлиэнньэтигэр Надежда Софронеева кэриэһигэр "Большие танцы" улуустааҕы үҥкүү күрэхтэһиитэ буолла. [gallery…