Дьокуускайга ноутбук уорбут киһини туттулар

Дьокуускай куорат полициятын дьуһуурунай чааһыгар ноутбугун уордарбыт дьахтартан үҥсүү киирбитин туһунан ИДьМ пресс-сулууспата иһитиннэрэр.

Кини иһитиннэрбитинэн, Дьокуускай куорат Петровскай уулуссатыгар баар элбэх кыбартыыралаах дьиэ таһыгар ноутбугун быстах кэмҥэ ууран баран ааһар дьонтон суол ыйыта турдаҕына, ноутбугун уоран ылбыттар.

Ботурууллуур-постовой сулууспа үлэһиттэрэ уоруйаҕы суола сойо илигинэ тута охсубуттар. Ол курдук, уорбаланааччынан 49 саастаах эр киһи тутуллубут. Арассыыйа Федерациятын холуобунай кодексатын 158 ыст.2 ч. «Уоруу» диэнинэн холуобунай дьыала тэриллибит.