Дьокуускайга «Оберегая сердца» аахсыйа ыытыллыа

 Дьокуускай  олохтоохторо сүрэхтэрин, тымырдарын бэрэбиэркэлэтиэхтэрэ.

Балаҕан ыйын 29  күнэ Аан дойду үрдүгэр сүрэх харыстабылыгар ананар.  Бу бэлиэ даатанан РФ Доруобуйа харыстабылын министиэристибэтин өйөбүлүнэн, «Миэдик волонтердар» ВОД, «Нижфарм» АУо, Национальные приоритеты» АНО, уо.д.а. Бүтүн Арассыыйатааҕы «Оберегая сердца» аахсыйаны тиһиктээхтик тэрийэн ыыталлар. Сүрэх-тымыр ыарыыларын эрдэттэн билэн-көрөн эмтээһин, чэбдигирдии «Доруобуйа» национальнай бырайыак биир сүрүн үлэтэ буоларын бэлиэтииллэр.

Бүтүн Арассыыйатааҕы «Оберегая сердца» аахсыйа номнуо бэһис төгүлүн ыытыллар. Тэрээһиннэр тиһиктээхтик салҕаналлар. Бу дьон-сэргэ доруобуйатыгар болҕомтолоох буоларыгар ананар.

Быйыл 20 эрэгийиэҥҥэ быраастар дьон-сэргэ доруобуйатын, сүрэх-тымыр ыарыылаахтары бэрэбиэркэлииллэр. Дьокуускай куоракка аахсыйаны алтынньы 4 күнүгэр былаанныыллар.