Дьокуускайга оҕо дьээбэлэнэн, эстэр тэрил муляһын оҥорбут

Дьокуускайга полицейскайдар дьээбэлэнэн сымыйа дэлби тэптэрэр тэрили оҥорбут уонна успуорт комплексыгар туруорбут оскуола үөрэнээччитин туттулар.

ИДьМ 2 №-дээх полициятын дьуһуурунай чааһыгар дэлби тэптэрэр оҥоһукка маарынныыр тэрили успуорт комплексыгар булбуттарын туһунан иһитиннэрбиттэр. Бу туһунан ИДьМ пресс-сулууспата суруйар.

Миэстэтигэр суһаллык полиция силиэстийэлиир-суһал бөлөҕө, кинологтар, Росгвардия  управлениетын исписэлиистэрэ уонна суһал сулууспалар тиийбиттэр. Эбийиэктэн дьону эвакуациялаабыттар уонна территорияны саппыттар.

Бэрэбиэркэ түмүгүнэн бу тэрил сымыйа буолара, гражданнар олохторугар-дьаһахтарыгар, доруобуйаларыгар кутталы үөскэппэтин туһунан биллибит. Уорбаланааччы «К» уонна ИДьМ сулууспатын экстремизмы утары киин оперативниктара суһал-ирдиир дьаһалларынан Дьокуускай куорат биир үөрэх тэрилтэтин 6-с кылааһын үөрэнээччитэ буолара биллибит.

Төрөппүттэрин ортолоругар сокуоннай сааһын ситэ илик оҕо эбийиэккэ эстэр тэрил сымыйа макетын оҥорон уурарга быһаарыныы ылыммытын быһаарда. Холуобунай эппиэтинэскэ тардыллар сааһын ситэ илик оҕону кытта иниспиэктэрдэр профилактическай үлэ ыытыллар.

Санаттахха, маннык буруйу оҥоруу иһин уорбаланааччы 1 мөлүйүөн солкуобайга ыстарааптанар уонна  5 сылга диэри болдьоххо көҥүлэ быһыллыан сөп.