Дьокуускайга оҕо ийэтин массыынатынан саахалга түбэспит

Киин куоракка ыам ыйын 16 күнүгэр түүн 3 чаас саҕана 202 түөлбэҕэ 15 саастаах оҕо «Toyota Aqua» массыынанан бетон сыбаайаҕа кэтиллибит.

Саахал түмүгэр инники сидиэнньэҕэ олорбут 14 саастаах пассажир оҕо эчэйбит. Ол туһунан Госавтоинспекция пресс-сулууспата иһитиннэрэр. Ыччаттар быһаарбыттарынан, кинилэр биир ийэ массыынатын күлүүһүнүн уоран ылан, хатааһылыы тахсыбыттар. Госавтоинспекция төрөппүттэри оҕолору кэтээн көрөргүтүгэр, массыына күлүүһүн хаалларбаккытыгар сэрэтэр. Оҕо 16 сааһыттан кыра буоллаҕына, буруйу оҥоруу төрөппүт эппиэтинэһигэр сүктэриллэр, оттон оҕоҕо сэрэтэр дьаһаллар ылыллаллар.