Дьокуускайга оҕо күүтэр дьахталларга уонна ийэлэргэ босхо үүтү биэрии салҕанар

Оҕо күүтэр дьахталларга уонна оҕоломмут ийэлэргэ босхо үүтү биэрии салҕанар. Үүтү ыларга быраас анааһына наада буолар диэн СӨ Доруобуйа харыстабылын министиэристибэтин пресс-сулууспата иһитиннэрэр.

Санатан эттэххэ, ааспыт сылтан Дьокуускайдааҕы үүт собуота ийэ доруобуйатыгар уонна оҕо сайдыытыгар туһалаах битэмииннэринэн, минералларынан байытыллыбыт анал үүтү оҥорон таһаарар. Ыйга үс лиитэрэ үүт биэрэллэр, ону үс ыйга биирдэ ылыахха сөп.

СӨ Доруобуйаҕа харыстабылын министиэристибэтигэр санатталлар:

• үүт поликлиникаҕа оҥоһуллубут ырысыабынан эрэ бэриллэр.
• оҕо күүтэр дьахталларга докумуону дьахтар консультациятын акушер-гинеколог бырааһа биэрэр, оттон  оҕоломмут ийэлэргэ – оҕо поликлиникатын педиатр-бырааһа.

Босхо үүтү ылар бырааптаахтар — хат буолбут 12 нэдиэлэттэн саҕалаан төрүөхтэригэр диэри дьахталлар, ону тэҥэ оҕолоро биир сааһын туолуор диэри эмнэрэр ийэлэр.

Болҕойуҥ: Өскөтүн үүт аһылыгынан оҕо хааччыллар буоллаҕына, ийэтигэр бэриллибэт. Үүтү ханна олороруттан тутулуга суох, Дьокуускайга кэлэн, бэйэтэ сылдьар поликлиникатыттан ырысыап-ирдэбилин илдьэ тиийэн ылыан сөп.

Үүтү биэрэр пуун аадырыһа уонна үлэтин кэмэ:  Дьокуускай к., Дзержинскэй уул., 42-с дьиэ, 1-кы куорпус, «Гээмзэ» маҕаһыын.

Үлэлиир кэмэ: Бэнидиэнньиктэн субуотаҕа диэри сарсыарда 9:00-тан киэһэ 16:00 чааска диэри.  Эбиэттээһин: 12:00-тан 13:00 чааска диэри.