Дьокуускайга оҕо сүрэх эминэн сүһүрэн балыыһаҕа киирбит

Дьокуускайга 13 саастаах кыыс сүрэх эмин иһэн сүһүрэн балыыһаҕа киирбит.

Өрөспүүбүлүкэтээҕи наркологическай диспансер кылаабынай бырааһа Альбина Сивцева ЯСИА-ҕа кэпсээбитинэн, быйыл сааһын ситэ илик оҕолор ортолоругар эмтэн сүһүрүү биэс түбэлтэтэ бэлиэтэммит.

«Бу быһылаан быйыл буолбута. Оҕо элбэх эми сиэн, ыарахан туруктаах балыыһаҕа киирбитэ. Быраастар  анал мэдиссиинискэй көмөнү оҥорон, оҕону быыһыыр кыах үөскээбитэ. Быйыл өрөспүүбүлүкэҕэ саастарын ситэ илик оҕолор ортолоругар маннык биэс түбэлтэ таҕыста. Эми быраас анааһына суох иһэр олус кутталлаах — оҕолор мэлдьи төрөппүттэрин харахтарын далыгар сылдьыахтаахтар», — диэн Альбина Сивцева  ЯСИА  кэпсээтэ.

Саха сиригэр нарколог учуотугар 21 сааһын ситэ илик оҕо турар, оттон хонтуруолга – 200-тэн тахса сааһын ситэ илик оҕо баар.