Хаартыска: СИА
Муус устар 15 күнүттэн Дьокуускайга оҕо уһуйааныгар путевканы түҥэтии саҕаланар.
Дьокуускайдааҕы үөрэх управлениетын начаалынньыга Мария Петрова иһитиннэрбитинэн, путевканы түҥэтии бары вакантнай миэстэлэринэн балаҕан ыйын 1 күнүттэн автоматическай эрэсииминэн барыаҕа.
«Быйыл куоракка оскуола иннинээҕи тэрилтэлэринэн 2389 оҕону балтараа сааһыттан уонна 2317 оҕону үс сааһыттан ыларга бэлэмнэр. Миэстэлэр 45 оҕо уһуйаанынан, ону таһынан 39, 40 №-дээх уонна Хаҥалас орто оскуолаларынан түҥэтилиннилэр», — диэн Мария Петрова иһитиннэрдэ.
Онуоха кини үс сыл анараа өттүгэр балтараа сааһыгар диэри оҕону ылар үс муниципальнай оҕо уһуйааныгар түөрт эрэ бөлөх баар эбит буоллаҕына, билигин ахсаана 177- ҕэ тиийбитин туһунан эттэ.
«Итиниэхэ куорат баһылыга Евгения Григорьев өйөбүллээх улахан үлэ ыытылынна. Онон ийэлэр үксүлэрэ үлэҕэ эбэтэр үөрэххэ эрдэ тахсыахтарын сөп. Дьокуускайга эдэр төрөппүттэргэ эрдэ үлэҕэ, үөрэххэ тахсалларыгар кыах бэриллэр», — диэн бэлиэтээтэ Дьокуускайдааҕы үөрэх управлениетын начаалынньыга.
Санатан эттэххэ, «Госуслуги» порталга муус устар 1 күнүттэн маҥнайгы кылааска электроннайдык сайабалыанньа хомуйуу саҕаламмыта. Быйыл Дьокуускай оскуолаларынан саҥа үөрэх дьылыгар 5500 кылаас үөрэнээччитэ ылаллара күүтүллэр.
Мин аҕам туһунан бэрт уһун кэм устата ахтыбакка, суруйбакка сылдьан баран, дьэ бу Улуу Кыайыы…
Нуучча улуу бэйиэтэ, драматура уонна прозаига Александр Пушкин төрөөбүт күнүн көрсө бэйиэт айар үлэтигэр сүгүрүйээччилэр…
Кыстатыам бибилэтиэкэтигэр Александр Сергеевич Пушкин уонна нуучча тылын күнүгэр аналлаах "Пушкин күнэ" бэлиэтэннэ. Тэрээһиҥҥэ "Эврика"…
Хаһыаты ааҕан баран, Агафия Винокурова хорсун-хоодуот байыаска анаан маннык хоһоон суруйбут. Санатан эттэххэ, хаһыакка уонна…
Бүгүн, бэс ыйын 7 күнүгэр, Өрөспүүбүлүкэ болуоссатыгар саҥа ыал буолуу официальнай регистрацията ыытылынна. Аһаҕас халлаан…
Мэҥэ Хаҥалас улууһун быраастара түөрт саастаах оҕо баттах туттарары (заколканы) ыйыстыбытын быыһаатылар. Оҕо тугу эмэ…