Дьокуускайга оҕоҕо алабай түстэ

Бэҕэһээ, кулун тутар 31 күнүгэр, Дьокуускайга «ОптимистПроф» маҕаһыын таһыгар тоҕус саастаах оҕоҕо алабай түстэ.

Бу туһунан СИА суруйар. Ыт оҕоҕо саба түспүт күнүгэр ыты тутан быстах кэмҥэ кыыллары тутар пууҥҥа илдьибиттэр. Маҕаһыын таһыгар оҕо мээнэ сылдьар ыты кытта оонньоору гыммыт. Онуоха ыт сөбүлээбэтэх, оҕону ытырбыт. Быһаарыллыбытынан, ыт хаһаайыннаах эбит. Хаһаайын кутталлаах боруода ытын көҥүл-босхо ыытан эппиэтинэһэ суох быһыыны оҥорбут.

Гагаринскай уокурук управата иһитиннэрбитинэн, нэдиэлэ устата түөрт ыты туппуттар. Бу сыл үс ыйын түмүгүнэн,  бэйдиэ сылдьар уопсайа 66 ыт тутуллубут. Билигин бэйдиэ сылдьар ыттары тутуу үлэтэ салҕанар.