Дьокуускайга оҕоҕо арыгыны атыылаабыттар

Дьокуускайга рейдэ кэмигэр полициялар маҕаһыыннар сокуоннайа суохтук арыгыны атыылыылларын быһаарбыттар. Бу туһунан СӨ ИДьМ пресс-сулууспата иһитиннэрэр.

Поярков уулуссатыгар турар маҕаһыыҥҥа сааһын ситэ илик оҕоҕо аһыы утаҕы атыылаабыттара биллибит. Оттон Петр Алексеев уонна Дзержинскэй уулуссаларыгар, Марха микро-оройуонугар баар маҕаһыыннар арыгыны 20 чаас кэнниттэн атыылаабыттар.

Баларга административнай боротокуоллары толордулар. Рейдэлиир тэрээһиннэр салҕаналлар.