Дьокуускайга оҕолоох дьахтар оптуобустан түһэн хаалбыттар

Дьокуускайга сэтинньи 22 күнүгэр оҕолоох дьахтар оптуобустан түһэн хаалбыттар. Өҥөнү оҥорооччу ирдэбили тутуспатах быһылаанын тула бэрэбиэркэ саҕаламмыта  диэн СӨ Силиэстийэлиир кэмитиэтэ иһитиннэрэр.

Кэмититэт дааннайынан, пассажирдар оптуобустан тохтобул аттыгар түһэн хаалбыттар. Суоппар пассажирдар оптуобустан ситэ түһэ иликтэринэ айаннаабыт. Ол түмүгэр 38 саастаах дьахтар мэйиитин доргуппут, оҕо этигэр-сиинигэр эчэйиилэри ылбыт.

Быһылаан «Мерзлотка» тохтобулга 17-с оптуобуска буолбут. Дьахтар оҕотун көтөхпүтүнэн тахсан истэҕинэ, оптуобус айаннаан барбыт диэн @bus_ykt телеграм-ханаалга суруйаллар.