Хаартыска: Мария Васильева, СИА.
Дьокуускай куорат уокуруктааҕы дьаһалтатын үөрэххэ управлениета оҕолор ортолоругар куор ыарыыта тарҕаныытын сэрэтэр инниттэн, үөрэх тэрилтэлэригэр кэккэ миэрэлэри ылбыттарын туһунан иһитиннэрэр.
Тохсунньу 29 уонна 30 күннэригэр үөрэх икки тэрилтэтигэр куор ыарыытыгар диагноз туруоруллубутун туһунан Роспотребнадзор дьаһала кэллэ.
Тустаах оскуола быһыыны ылбатах үөрэнээччилэригэр тохсунньу 25 күнүттэн олунньу 15 күнүгэр диэри (ыарыһах булуллубут күнүттэн 21 күн устата) дистанционнай технологияны туһанан үөрэтии тэриллэр.
Дьокуускай куорат уһуйааннарыгар 2024 сыл тохсунньу 30 күнүгэр куорунан ыалдьыы бэлиэтэммэтэ.
Санитарнай-сэрэтэр ирдэбилинэн үөрэнээччилэри уонна үөрэх тэрилтэтин үлэһиттэрин сарсыарда ахсын көрөллөр (утренний фильтр), ыарыыны утары санитарнай эрэсиим күүһүрэр, быһыыны ылбатах үлэһиттэргэ уонна иитиллээччилэргэ мэдиссиинэ тэрилтэлэрин кытта куору утары быһыы туруораллар, төрөппүттэргэ быһаарар үлэ ыытыллар, ол иһигэр оҕолоругар быһыы туруортарартан аккаастанар төрөппүттэри кытта, уо.д.а. миэрэлэр ыытыллаллар.
СӨ Доруобуйа харыстабылын министиэристибэтэ иһитиннэрэринэн, өрөспүүбүлүкэҕэ куор, краснуха уонна эпидемичэскэй паротит утары комбинированнай оҕо вакцинатын тиэрдии 2023 сыл бүтүүтүттэн саҕаламмыт уонна РФ Доруобуйа харыстабылын министиэристибэтин кыраапыгар олоҕуран, бу сыл бастакы кыбартаалыгар салҕаныаҕа. Бу туһунан Дьокуускай куорат уокуруктааҕы дьаһалтатын пресс-сулууспата суруйар.
"Үрүҥ хаар алгыһа" норуоттар икки ардыларынааҕы литературнай бэстибээл ыраах дойдулартан кэлбит ыалдьыттарын салгыы билиһиннэрэбит. …
Египет Александрия куоратыгар Ибрагим Мустафа аатынан көҥүл тустууга норуоттар икки ардыларынааҕы турнир ыытылынна, диэн «Дьулурҕан»…
Бырабыыталыстыба бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев Уһук…
Саха сиринээҕи ИДьМ экэнэмиичэскэй куттал суох буолуутугар уонна коррупцияны утары охсуһар отделын үлэһиттэрэ силиэстийэлээччилэри кытта…
Дьоҕус уонна орто урбаан субъектарын ахсаана 44 тыһ. таҕыста. 2025 сыллааҕы туругунан, аччыгый уонна орто…
Дьиҥнээҕинэн туох-ханнык уларытыылар киллэриллэллэрий? Бырайыагынан СӨ Төрүт сокуонун 22-с ыстатыйатыгар өрөспүүбүлүкэҕэ босхо уонна барыларыгар тиийимтиэ…