Дьокуускайга оҕону түҥнэри көппүттэр

Ааспыт суукка устатыгар Дьокуускайга 15 суол быһылаана бэлиэтэммит, ол түмүгэр биир сааһын ситэ илик оҕо араас эчэйиини ылбыт. Бу туһунан киин куораттааҕы ГАИ пресс-сулууспата иһитиннэрэр.

Хабаров уонна Чиряев уулуссаларын быһа охсуһуутугар «Toyota Passo» массыынанан 41 саастаах суоппар уҥа салайан иһэн, сааһын ситэ илик оҕону түҥнэри көппүт. Оҕо светофор көҥүллүүр уотугар суолу туораан испит. Быһылаан түмүгэр оҕо араас эчэйиини ылбыт.

ГАИ сулууспата суоппардары муҥутуур сэрэхтээх буолалларыгар ыҥырар. Светофор көҥүллүүр уотугар суолу туоруур сатыы дьоҥҥо, ол иһигэр оҕолорго, ураты болҕомтону уурарга сүбэлииллэр.