Дьокуускайга оҕону түҥнэри көттүлэр

Бу күннэргэ Дьокуускайга оҕо эчэйиилээх суол быһылаана таҕыста. Ол курдук, Дзержинскэй уонна Лермонтов уулуссалар быһа охсуһууларыгар «Хонда-Фит» массыына 33 саастаах суоппара пешеходунан туораан иһэр тоҕус саастаах оҕону түҥнэри көппүт.

Ол түмүгэр оҕо уҥуоҕа тостуулаах улахан эчэйиини ылбыт. Быһылаан кэмигэр суоппар арыгы испэтэҕэ биллибит. Биир сыл иһигэр бу суоппар административнай эппиэтинсэкэ түөртэ тардылла сылдьыбыт.

Билиҥҥи туругунан, бэрэбиэркэ ыытылла турарын туһунан ИДьМ ГИБДД Дьокуускайдааҕы салаата иһитиннэрэр.