Дьокуускайга оҕону түҥнэри көттүлэр

Бу күннэргэ Дьокуускай куоракка ГИБДД дьуһуурунай бөлөҕөр Автодорожнай уулусса 40/2 таһыгар «Тойота Ланд-Крузер» массыына оҕону түҥнэри көппүтүн туһунан иһитиннэрии киирбит. 

2006 сыллаах төрүөх оҕо светофора суох эрээри, сатыы дьон туоруулларыгар аналлаах бэлиэ баар сиринэн суолу туораан истэҕинэ, массыына түҥнэри көппүт. Массыына суоппара 35 саастаах киһи эбит, 2015 сылтан массыына ыытар бырааптаах. Кини быһылаан кэмигэр арыгы испэтэҕэ быһаарыллыбыт.

Суһал көмө биригээдэтэ оҕону балыыһаҕа илдьибит. Билигин хаар түһэ-түһэ ууллар, мууһурар. Саамай халтараан кэмҥэ суоппардар да, сатыы да сылдьааччылар суолга болҕомтолоох буолалларыгар Госавтоинспекция сэрэтэр.