Хаартыска: PxHere
Саха сиригэр оҕуруот астарын уонна фрукталары сиэһини тарҕатыы нэдиэлэтин чэрчитинэн, ол иһигэр үөрэх тэрилтэлэригэр, сэрэтэр-профилактическай лиэксийэлэри ыытыахтара.
Тус аахсыйалар мэдиссиинэскэй уонна оскуола иннинээҕи тэрилтэлэргэ эмиэ былааннаналлар диэн Доруобуйа харыстабылын министиэристибэтигэр иһитиннэрдилэр.
Биэдэмистибэ иһитиннэрбитинэн, алтынньы 23 уонна 24 күннэригэр Дьокуускайга Нэһилиэнньэҕэ аналлаах «Чөл аһылык оскуолатыгар» Уопсастыбаннай доруобуйа киинин быраас-диетолога тыл этиэҕэ. Киин куорат 9, 20, 35 №-дээх оскуолаларын үөрэнээччилэригэр уонна Автодорожнай тиэхньикум устудьуоннарыгар чөл олох уонна сөптөөх аһылык туһунан интерактивнай оонньуулардаах, викториналардаах лиэксийэлэри ыытыахтара. Мэдиссиинискэй уонна оскуола иннинээҕи тэрилтэлэргэ оҕолорго анаан фрукталар уонна оҕуруот астарын туһаларын туһунан нууччалыы уонна сахалыы тылынан аудио-остуоруйалары тарҕатыахтара.
«Оҕуруот аһа уонна фрукта туһата мөккүөрэ суох. Аан дойдутааҕы доруобуйа харыстабылын тэрилтэтин бүтэһик сүбэлэринэн, хас биирдии киһи күн аайы оҕуруот аһын уонна фруктаны сиэхтээх. Бу кээмэй киһи сааһыттан уонна этин-хаанын хамсаныытын таһымыттан тутулуктанан уларыйыан сөп», – диэн Доруобуйа харыстабылын министиэристибэтигэр бэлиэтээтилэр. Ону таһынан, оҕуруот астарын уонна фрукталары мэлдьи сиэһин хроническай ыарыылар уонна араак сорох көрүҥнэрэ сайдалларын кутталын намтатар. Кинилэргэ иҥэн сылдьар битэмииннэр уонна минераллар иммуннай систиэмэни бөҕөргөтөллөр уонна организм инфекциялары утары охсуһарыгар көмөлөһөллөр.
Доруобуйа харыстабылын министиэристибэтинэн сыл аайы ыытыллар аахсыйа дойду бэрэсидьиэнэ Владимир Путин сорудаҕынан «Уһун уонна көхтөөх олох» национальнай бырайыак чэрчитинэн олоххо киирэр .
Бу күннэргэ аан дойду болҕомтото тохсунньу 19-23 күннэригэр Швейцария Давос куруортугар буола турар Аан дойдутааҕы…
Бу күннэргэ социальнай ситимнэринэн Дьокуускай куорат олохтооҕо, 43 саастаах дьахтар, сүппүтүн туһунан иһитиннэрии тарҕаммыта. Үгүс…
Бүгүн, тохсунньу 23 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата араас…
Хой Кыһыҥҥы тымныылар санааҕын баттыыллар. Сылайаҕын, нуктаан, сытан ылыаххын саныыгын. Сэниэҥ тиийбэт. Санаа баттыгыттан босхолонуоххун…
Бүгүн, тохсунньу 23 күнүгэр, өрөспүүбүлүкэ илин, соҕуруулуу-илин өттүгэр кыралаан, соҕуруу оройуоннарга уонна Халымаҕа хаар сөбүгэр…
2026 сылтан босхо чинчийиилэр бырагыраамалара кэҥээтэ. Холобур, дьахталлар киһи папилломатын вируһугар, оттон 45-тэн үөһээ саастаах…