Дьокуускайга охсуспут суоппардары үлэлэриттэн тохтоттулар
15.04.2024, 12:00
Хаартыска: социальнай ситимҥэ тарҕаммыт видеоттан скрин.
Бөлөххө киир:
Дьокуускайга муус устар 9 күнүгэр Бабушкин аатынан уулуссаҕа турар тохтобулга 6-с уонна 19-с №-дэрдээх оптуобустар суоппардара охсуспуттара. Бу быһылаан кэнниттэн суоппардары иккиэннэрин үлэлэриттэн тохтоппуттарын туһунан Дьокуускай куораттааҕы суол-тырааныспар сулууспатын салайааччы Эдуард Садовников иһитиннэрдэ диэн киин куорат телеграм-ханаалыгар суруйаллар.
Быһылаан Дьокуускайга муус устар 9 күнүгэр буолбута биллэр. Олорсон испит пассажирдар оптуобустан тахсан охсуһа сылдьар эр дьону тохтото сатаабыттар. СИА-ҕа биир маршрут дириэктэрэ иһитиннэрбитинэн, суоппардар тохтобулу былдьаспыттар эбит.
Дьокуускай куораттааҕы суол-тырааныспар сулууспата уонна «Союз Авто» маршуттар салайааччыларын кытта профилактическай кэпсэтиини ыыттылар.
+1
2
+1
2
+1
+1
+1
3
+1
+1
Сообщить об опечатке
Текст, который будет отправлен нашим редакторам: