Хаартыска: СИА
Саха сиригэр оһуохай национальнай үҥкүүтүн харыстыырга, чөлүгэр түһэриигэ уонна сайыннарыы боппуруостарыгар икки хонукка ыытыллар өрөспүүбүлүкэтээҕи пуорум үлэтин саҕалаата. Тэрээһиҥҥэ улуустартан 70- тан тахса дэлэгээт кыттыыны ылар.
«Быйылгы сылтан саҕалаан Оһуохай күнэ бэлиэтиибит. Бу биһиги Сахабыт сирин национальнай баайын уонна эргиччи үҥкүү билиниитэ буолар. Онон биһиги оҕолорбут, ыччаттарбыт оһуохай төрүт үгэстэрин уонна сыаннастарын билиэхтэрэ», — диэн Култуура уонна духуобунай сайдыытын миниистирэ Афанасий Ноев бэлиэтээтэ.
Тэрээһиҥҥэ өрөспүүбүлүкэ 70-тан тахса бэрэстэбиитэлэ, ол иһигэр «Дархан этээччи» бочуоттаах аат хаһаайыттара кытталлар.
«Пуорум көмөтүнэн кэлэр биэс сылга торумнаммыт бырагыраама тахсыаҕа. Ону биһиги тутуһуохпут», — диэтэ «Оһуохай» айар уопсастыба бэрэсээдээлэ Александр Данилов.
Маны таһынан өрөспүүбүлүкэтээҕи пуорумҥа оһуохай үҥкүүтүн маастар- кылаастара ыытыллыахтара. «Оһуохай – саха норуотун этно-култуурунай нэһилиэстибэтэ» пуорум чэрчитинэн Саха сиринээҕи норуот айымньытын дьиэтэ «Оһуохай үҥкүүтэ» диэн кинигэ быыстапкатын билиһиннэрдэ.
«Биһиги пуондабытыгар уһулуччулаах матырыйааллар хараллаллар. Олортон биирдэстэринэн оһуохайы кытта видео устууларын дьикти кэлиэксийэтин хомуйбут Михаил Мойтохонов матырыйааллара буолаллар», — диэн норуот айымньытын дьиэтин испиэлииһэ Любовь Васильева кэпсээтэ.
Быйыл Саха сирин олохтоохторо Ил Дархан Айсен Николаев Ыйааҕынан тэриллибит Оһуохай күнэ аан бастакытын ылыллыбыта.. Саха сиригэр Оһуохай күнэ ыам ыйын 25 күнүгэр бэлиэтэнэр.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…