Ааптар хаартыската.
Өрөспүүбүлүкэтээҕи Оһуокай уопсастыбата сылын ахсын ыытар Оһуокай ыһыаҕа Дьокуускай куорат пааркатыгар буолла. Куораттан, улуустартан этээччилэри сэргэ элбэх ыалдьыт кэлэн дуоһуйа оһуокайдаан барда.
Алгыһы Намтан Эҥсиэли түмсүү этээччилэрэ киирэн тэрийдилэр. Ол курдук, СӨ үтүөлээх этээччитэ С. Алексеев Үрүҥ Аар Тойон баһылыктаах Айыыларга сүгүрүйэн, сир иччилэригэр арыылаах алаадьынан айах тутан алгыстаан амалыйда. Алгыстаах күн эргиирдээх түһүлгэни Дархан этээччи Валентин Хорунов таһаарда. Бу алгыстаах түһүлгэтигэр Валентин Васильевич Кыайыыны түстээтэ. Ыалдьыттарбыт ыччат хамсааһынын туйгуна, Мэҥэ Хаҥалас улууһуттан дьокутаакка кандидат Алеся Сосина Кэрэл, Саха сирин үтүөлээх артыыһа Анастасия Готовцева, өрөспүүбүлүкэ култууратын туйгуна Леонид Анциферов уо.д.а эҕэрдэлээтилэр. Манна эбэн эттэххэ, Алеся эбэтэ Ирина Петровна Чупрова биһиги оһуокайбытыгар көхтөөхтүк сылдьааччы.
Сыл түмүгүнэн уопсастыба үлэтигэр көхтөөхтүк кыттар бастыҥ этээччилэргэ СӨ култуураҕа уонна духуобунаска министиэристибэтин, Ил Түмэн уонна Дьокуускай куорат мээрин бочуотунай грамоталарын, махтал суруктарын туттардылар. Улуустааҕы филиалларбытыттан бастыҥ үлэлээх Дархан этээччилэргэ Станислав Ивановка, Валентин Хоруновка уо.д.а. култуура миниистирин бочуотунай грамотатын бэрэссэдээтэлбит Александр Джурович туттарда.
Дьокуускай пааркатын директора Виктор Обутов, Ил Түмэн бэрэссэдээтэлин солбуйааччы Антонина Григорьева, «Биир ньыгыл Арассыыйа» баартыйа исполкомун бэрэссэдээтэлэ Руслан Платонов кэлэн эҕэрдэлээтилэр. Оһуокай түмсүүтэ өрөспүүбүлүкэ култуурнай олоҕор оруолун бэлиэтээтилэр.
Бэрэссэдээтэлбит сылын ахсын ыһыахха кэлбит дьону сахалыы үтүө үгэһинэн ис миининэн, саламаатынан, үтэһэлээх этинэн, кымыһынан босхо күндүлүүр үтүө үгэстээх. Ол да үтүө үгэс быйыл эмиэ олохтонно.
Оһуокай түһүлгэтигэр кимиэхэ да майгыннаспат ураты куоластаах этээччилэргэ үҥкүү өргө диэри дьиэрэйдэ. Үөрүү көтүү доҕуһуолунан халлааммыт да туран биэрдэ. Оһуокай ыһыаҕын Марта Николаева, Ирина Абрамова бар дьоннорун сүргэлэрин көтөҕөн истиҥник иһирэхтик ыыттылар. Ким да оһуокайтан туора турбата, үтүө алгыстаах түһүлгэ бар дьоммутун абылаата.
Марта Николаева
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…