Дьокуускайга Ойуунускай уулуссатыгар дьиэ тас фасадын өрөмүөннээтилэр

Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин бырагырааматын чэрчитинэн быйыл дьиэ тас өттүн халыҥатыы уонна  саҥардан оҥоруу былааннаммыта. Үлэни ыытарга аукциоҥҥа “Якутская газовая компания” ХЭТ кыайбыта.

Тустаах пуонда производственнай-тэхиньиичэскэй отделын начаалынньыгын солбуйааччы Алексей Иванов этэринэн, маннык үлэлэр ыытыллыбыттар:

— Аукциоҥҥа кыайбыт тэрилтэ панеллар икки ардыларынааҕы хайаҕаһы уонна тас истиэнэлэри халыҥатан биэрдэ, тас кирилиэһи, үктэллэри өрөмүөннээтилэр, дьон сылдьар сиригэр киирэр ааны уонна түннүктэри уларыттылар. Ону сэргэ тас истиэнэтин кырааскалаатылар уо.д.а. үлэни болдьоҕор ыыттылар.

Пуонда пресс-сулууспата

Хаартыска: тустаах пуонда тиксэрдэ