Дьокуускайга ойуурга икки оҕолоох эр киһи сүттэ

Бүгүн, от ыйын 16 күнүгэр, сарсыарда СӨ Быыһыыр сулууспатын исписэлиистэрэ Дьокуускайга ойуурга сүппүт эр киһини уонна 9, 11 саастаах кыргыттары көрдүү барбыттар. Бу туһунан биэдэмистибэ пресс-сулууспата иһитиннэрэр.

Бу дьон Владимировка тыатыгар муммуттар диэн иһитиннэриигэ суруллар.

Дьон сүппүтүн туһунан иһитиннэрии бүгүн киирбит. Быыһааччылар дааннайдарынан, эр киһи оҕолорун кытта 5 ч. тэллэйдии барбыт, 7 ч. диэки кэлиэхтээхтэр эбит даҕаны, билиҥҥэ диэри сибээскэ тахсыбатахтар.

Биэс быыһааччы Валерий Андросов салалтатынан көрдүү сылдьаллар.